आफ्नै भवनमा हलेसी चुवाचुङ नगरपालिका

खोटाङ, जेठ १७– खोटाङको हलेसी तुवाचुङ नगरपालिका आफ्नै भवनमा सरेको छ । स्थानीय तह कार्यान्वयनमा आएको झण्डै दुई वर्षपछि हलेसी तुवाचुङ नगरपालिकाले आफ्नै भवनबाट सेवा प्रवाह सुरु गरेको हो । हलेसी तुवाचुङ नगरपालिका–५ दुर्छिमको कोटगैरामा निर्माण गरिएको भवनबाट बिहिबारदेखि कामकाज थालिएको मेयर इवन राईले बताउनुभयो । 

स्थानीयले निशुल्क दिएको जग्गामा ७० लाखभन्दा बढिको खर्चमा एल आकारको १५ कोठे भवन निर्माण गरिएको हो । स्थानीय पटमराज राई, भगसेर राई, मोहनबहादुर राई र डिकसेर राईले निशुल्क दिएको जग्गामा नगरपालिकाको कार्यालय निर्माण गरिएको हो । हालसम्म तत्कालिन गाबिसको कार्यालय दुर्छिमको साँघुरो भवनबाट सञ्चालन हुँदै आएको नगरपालिका नयाँ भवनमा सारेपछि सेवा प्रवाह सहज भएको छ ।