३ वैशाख (खोटाङ) : खोटाङमा नेत्रबिक्रम चन्द (विप्लव) नेतृत्वको नेपाल कम्यूनिष्ट पार्टीका जिल्ला सदस्य पक्राउ परेका छन् । नेपाल कम्यूनिष्ट पार्टीका जिल्ला सदस्य एबं आर्थिक विभाग प्रमुखको जिम्मेवारी सम्हाल्दै आएका सुदीप शर्मा भनिने चक्रबहादुर खत्रीलाई प्रहरीले सोमबार पक्राउ गरेको हो ।
हलेसी तुवाचुङ नगरपालिका–२ डिकुवाका खत्रीलाई हलेसी क्षेत्रबाट पक्राउ गरिएको जिल्ला प्रहरी कार्यालय खोटाङका प्रहरी नायव उपरिक्षक राजकुमार केसीले बताए ।पक्राउ परेका खत्रीलाई सोमबार साँझ जिल्ला प्रहरी कार्यालय ल्याइएको छ । उनलाई डिकुवाकै एक स्थानीयको मोटरबाईकमा लिफ्ट मागेर हिँडिरहेको अवस्थामा प्रहरीले नियन्त्रणमा लिएको हो ।
यसअघि, नेत्रबिक्रम चन्द (विप्लव) नेतृत्वको नेपाल कम्यूनिष्ट पार्टीका दुई कार्यकर्ताले पार्टी परित्यागको घोषणा गरेका थिए । सार्वजनिक मुद्धामा तारिख खेपीरहेका रावाबेँसी गाउँपालिका–४ डुम्रेधारापानीका तुलबहादुर मगर र ऋषिराम बिकले चैत २७ गते प्रजिअ र सुरक्षा निकायका प्रमुखका अगाडि विज्ञाप्ति प्रकाशित गरी पार्टी परित्यागको घोषणा गरेका थिए ।
No comments:
Post a Comment