बस दुर्घटनामा एकको मृत्यु १४ जना घाइते

३ वैशाख (खोटाङ) : काठमाडौ खोटाङको दिक्तेलका लागि छुटेको बस हलेसीमा दुर्घटनामा हुंदा १ जनाको मृत्यु भएको छ । 

काठ्माण्डौंबाट यात्रु बोकेर दिक्तेल आउँदै गरेको ना ४ ख ७४११ नम्बरको बस सोमबार राती ११ बजेतिर हलेसी नजिकै रिट्ठाबोटेमा दुर्घट्ना हुंदा दिक्तेल रुपाकोट मझुवागढी नगरपालिका–७ चिउरीडाँडा दोर्पाका अन्दाजी ३३ वर्षीय पर्जबहादुर राईको मृत्यु भएको हो ।

दुर्घट्नामा शक्त घाईते भएका उनलाई उपचारका लागि दिक्तेल ल्याउने क्रममा बाटोमा मृत्यु भएको जिल्ला प्रहरी कार्यालय खोटाङका डिएसपी राजकुमार केसीले बताए । दुर्घटनामा १४ जना यात्रु घाईते भएको जानकारी आएको छ । 

उपचारमा १२ जनालाई दुर्छिम स्वास्थ्य चौकीमा पठाइए पनि त्यहाँ उपचार हुन नसक्दा घाईतेमध्ये ६ जनालाई टिचिङ अस्पताल काठ्माण्डौं पुयाइएको छ । एकजनाको जिल्ला अस्पताल दिक्तेलमा र अन्यको दुर्छिम स्वास्थ्य चौकीमा उपचार भईरहेकोे छ ।

बस सडकबाट चिप्लिएर १५/२० मिटर तल कोल्टिएर रुखमा ठोक्किदै अडिएकाले ठूलो क्षतीबाट जोगिएको बताइएको छ । दुर्घटनाको कारण अझै खुल्न सकेको छैन ।चालक र सह–चालकसहित १५ जना बसमा सवार थिए ।