२१ चैत्र (खोटाङ) – खोटाङको दिक्तेलबजारमा एैचोपैंचो सहुलियत पसल सुरु गरिएको छ । दिक्तेल रुपाकोट मझुवागढी नगरपालिका र जिल्ला सहकारी संघको साझेदारीमा दिक्तेलको पुरानो बैंकचोकमा एैचोपैंचो सहुलियत पसल सुरु गरिएको हो ।
६२ औं सहकारी दिवस समापनको अवशरमा दिक्तेल रुपाकोट मझुवागढी नगरपालिकाका नगरप्रमुख दिपनारायण रिजाल र उपप्रमुख विणादेवि राईले बुधबार एैचोपैंचो सहुलियत पसल उद्घाटन गरेका हुन् ।
बजार अभाव झेलीरहेका कृषि उपजको बजारीकरणका लागि नगरपालिकाको ४ लाख र सहकारी संघको २० लाखको लागतमा एैचोपैंचो सहुलियत पसल सुरु गरिएको हो । नगरपालिका र सहकारी संघकोतर्फबाट लगानी बृद्धि गर्दै कृषि उपज ओसार–पसारका लागि गाडी समेत खरिद गर्ने लक्ष्य राखिएको छ ।
 |
| ऐंचोपैंचो पसलको उद्घाटनपश्चात नगरप्रमुख दिपनारायण रिजाल लगायत अन्य । |
किसानबाट काउली, बन्दा, साग, आलु, फलफूल, खाद्यान्न लिएर सो वापत किसानलाई तरकारीको बीउरविजन वा नुन, तेल, सावुन जस्ता उपभोग्य सामान वा इच्छा अनुसार पैसा दिने गरी पसल सुरु गरिएको जिल्ला सहकारी संघका अध्यक्ष अनिल जोशीले वताए ।
संघका अध्यक्ष जोशीका भने स्थानीय किसानले उत्पादन गरेका तरकारी, खाद्यान्न लगायतका कृषिजन्य वस्तुको संकलन एवम् बजार व्यवस्थापनका लागि एैचोपैंचो सहुलियत पसल सुरु गरिएको हो ।
बचत गर्न चाहले किसानले सामानको मूल्य बराबरको रकम लालुपाते सहकारी संस्थामा बचत गर्न सकिने समेत व्यवस्था गरिएको सहकारी संघले जनाएको छ ।
No comments:
Post a Comment