रतन्छामा दश शैयाको करेन्टाईन स्थापना

साकेला (मानेभञ्ज्याङ) १२ चैत्र–  

कोरोना भाइरस (कोभिड–१९) को जोखिम सामना गर्न साकेला गाउँपालिकाको २ नम्बर वडा कार्यालय रतन्छामा क्वारेन्टाईनको स्थापना गरिएको छ । 

गाउँपालिका र वडा कार्यालयको सक्रियतामा साकेला माध्यमिक विद्यालयमा दश शैयाको क्वारेन्टाईन स्थापना गरिएको साकेला गाउँपालिकाका अध्यक्ष अर्जुनकुमार खड्काले जानकारी दिनुभयोे । 

अपरिचित व्यक्ति तथा बाहिरबाट आउने व्यक्तिहरुलाई राख्ने व्यवस्थाका लागि उक्त करेन्टाईनको स्थापना गरिएको हो । विश्वव्यापी महामारी रोग कोरोनाबाट बच्न र बचाउन तत्कालको लागि पालिकाले रतन्छा सहित वडा नम्बर ४ स्थित बालबालिका माध्यमिक विद्यालयमा पनि १० शैयाको करेन्टाईन स्थापना गरेको छ । 

अन्य मूलुक वा नाका पार गरी आएका व्यक्तिहरुलाई १४ दिन सम्म क्वारेन्टाईनमा राखिने छ भने सो अवधिमा कोरोना भाईरस सम्बन्धि लक्षण देखा परेमा तुरुन्तै रेफर गरिने अध्यक्ष खड्काले बताउनुभयो ।

खोटेहाङ गाउँपालिका वडा नम्बर ९ स्थित लिच्कीराम्चेमा स्थापना गरिएको पाँच शैयाको करेन्टाईन ।